Keçmiş Papanın səhhəti pisləşib
PİA.az İtaliyanın ANSA xəbər agentliyinə istinadən xəbər verir ki, keçmiş Papanın vəziyyətinin ciddi, lakin stabil olduğu bildirilir.
Xəbərə görə, Papa Fransis əsl adı Cozef Ratzinger olan sələfinin çox xəstə olduğunu açıqlayıb. Vatikandan verilən açıqlamadan sonra 16-cı Benediktə yaxın bir mənbə ANSA xəbər agentliyinə keçmiş Papanın səhhəti ilə bağlı: “Onun vəziyyəti dünənlə müqayisədə dəyişməyib” deyib və əlavə edib ki, həkimlər keçmiş Papanın səhhətini daim nəzarətdə saxlayırlar.
Vatikandan bir mənbə isə ANSA xəbər agentliyindəki xəbərlə bağlı 16-cı Benediktin təxminən üç gün əvvəl pisləşməyə başladığını bildirib.
“Onun həyati funksiyaları xüsusilə də ürəyi pisləşir”, deyən mənbə evdə lazımi tibbi avadanlıq olduğu üçün xəstəxanaya yerləşdirilmədiyini qeyd edib.
Qeyd edək ki, Papa 2-cı Jan Paulun yerinə gələn 16 Benedikt 2013-cü ildə orta əsrlərdən bəri dünya katolik kilsəsinin rəhbəri vəzifəsini tərk edən ilk papa olub. 16-cı Benedikt istefa qərarının səbəbi kimi fiziki və ruhi sağlamlığının azalmasını əsas gətirib.
pia.az