“Apple”ın iPhone satışından nə qədər qazandığı məlum olub
PİA.az “WebTekno”ya istinadən məlumat verir ki, sənayenin lideri “Apple” olub. Samsungun gəlirləri isə əksinə azalıb.
Bazar araşdırması şirkəti “Counterpoint”in 2022-ci ilin üçüncü rübü üçün açıqladığı smartfon məlumatlarına əsasən, bazardakı ciddi daralma nəticəsində smartfonların satışı azalıb.
Araşdırmaya görə, üçüncü rübdə şirkətlərin gəlirləri 3%, satış rəqəmləri isə 12% azalıb. Sənaye bu 3 aylıq müddət ərzində təxminən 100 milyard dollar gəlir əldə edib.
Xəbərə görə, smartfon bazarının məlumatları 5G telefonlarının artıq standart olduğunu ortaya qoyub. Çünki 100 milyard dollarlıq gəlirin 80%-i 5G dəstəyi olan telefonlardan əldə edilib. Beləliklə, 5G telefonları üçün bütün zamanların rekordu qırılıb.
“Counterpoint”in bazar araşdırmasına görə, “Apple” üçüncü rübdə bazar payının 42%-nə hakim olub. Yəni şirkətin kassasına daxil olan pul 42 milyard dollar səviyyəsində olub. “Apple”ı 18 milyard dollar gəlirlə “Samsung”, 8 milyard dollarla “Xiaomi”, 6 milyard dollarla “Oppo” və “OnePlus”, 5 milyard dollarla “Vivo” izləyir. Digər markaların gəliri isə 20 milyard dollar olaraq qeydə alınıb.
pia.az