ÜST: 394 milyon insan reabilitasiya xidməti ala bilmir
PİA.az Türkiyə mətbuatına istinadən xəbər verir ki, Ümumdünya Səhiyyə Təşkilatının (ÜST) Avropa Regional direktoru Hans Kluq verdiyi yazılı açıqlamada Avropa və Mərkəzi Asiyada əhalinin sürətlə qocaldığını və reabilitasiya xidmətlərinə ehtiyacın artdığını bildirib.
“Region əhalisinin demək olar ki, yarısının reabilitasiyaya ehtiyacı var”, deyən Kluq qeyd edib ki, Avropa və Mərkəzi Asiyada 394 milyon insan reabilitasiyaya ehtiyacı olan bir şəraitdə yaşayır”.
Reabilitasiyaya ehtiyacı olan bu insanların böyük əksəriyyətinin öz ölkələrində xidmət ala bilmədiklərini vurğulayan Kluq deyir:
“Əgər lazımi tədbirlər görülməsə, müvafiq ölkələr cəmiyyətlərinin iqtisadi məhsuldarlığını artırma ehtimalı ilə üzləşəcəklər, çünki onların əksəriyyəti reabilitasiyaya ehtiyacı olan insanlar öz cəmiyyətlərində rahat yaşaya bilmirlər”.
“Orta gəlirli ölkələrdə daha az terapevt var”
Kluq qeyd edir ki, reabilitasiya sağlamlıq üçün əsas hüquqdur və ona ehtiyacı olan hər kəsə verilməlidir. Reabilitasiya xidmətlərindən istifadə probleminin orta gəlirli ölkələrdə görüldüyü barədə məlumat paylaşan Kluq bu ölkələrlə müqayisədə, yüksək gəlirli ölkələrdə fizioterapevtlərin 12 dəfə, peşə terapevtlərinin 141 dəfə və protez terapevtlərinin 6 dəfə çox olduğunu bildirib.
Covid-19-un yaşlı fərdlər üzərində uzun müddətli təsirlərinin reabilitasiyanın əhəmiyyətini bir daha gündəmə gətirdiyini vurğulayan Kluq lazımi reabilitasiya xidmətini alan yaşlıların xəstəliyin uzunmüddətli təsirləri ilə daha yaxşı mübarizə apara bildiklərinin sübut edildiyini qeyd edib.
pia.az