ABŞ-dan Çinlə bağlı bəyanat: Gərginlik artır...
PİA.az Türkiyə mətbuatına istinadla xəbər verir ki, ABŞ dövlət katibi Entoni Blinken The “Wall Street Journal”ın (WSJ) rəhbər konfransında çıxış edib.
Entoni Blinken deyib ki, Ukrayna-Rusiya müharibəsi üzrə beynəlxalq tribunalın hazırlanması “masadadır”.
Blinken: “Baş verənlərə görə məsuliyyət daşımaq çox vacibdir. Məlumat toplamaq önəmlidir”, deyib.
ABŞ-ın Çinlə gərgin rəqabətdə olduğunu bildirən Blinken deyir:
“Gərgin rəqabətdəyik. Lakin bunun münaqişəyə çevrilməsini istəmirik”.
Blinken ABŞ-ın Çinlə ümumi məsələlərdə əməkdaşlıq yollarının tapılmasını vacib hesab etdiyini bildirib.
ABŞ-ın Ukraynada mümkün sülh danışıqlarının ədalətli və daimi sülh gətirməsini istədiyini ifadə edən Blinken: “Ukraynadakı müharibə mütləq diplomatiya və danışıqlarla bitəcək. Bununla belə, ədalətli və qalıcı bir sülh olmalıdır”, deyib.
Blinken, həmçinin, ABŞ-ın Ukraynada “saxta” bir sülhdən qaçmaq istədiyini bildirib.
pia.az