“Barselona” aparıcı futbolçusu ilə vidalaşmağa hazırlaşır
İspaniya "Barselona"sı aparıcı futbolçusu Jordi Alba ilə vidalaşmağa hazırlaşır...
“Mundo Deportivo” nəşri xəbər verir ki, Kataloniya təmsilçisi xərcləri azaltmaq üçün yüksək ödənişli oyunçularını göndərmək istəyir.
Jerar Pikenin karyerasını bitirməsindən və Serxio Busgetsin mümkün gedişindən sonra növbəti hədəf Jordi Alba ilə müqaviləyə xitam verməkdir.
Klub rəhbərliyi qış fasiləsində 33 yaşlı müdafiəçi ilə görüşüb sözləşmənin ləğv olunmasını müzakirə edəcək.
Qeyd edək ki, Jordi Albanın "Barselona" ilə müqaviləsi 2024-cü ilin yayında başa çatacaq.
pia.az