Neymardan Braziliyaya bəd xəbər
PİA.az Türkiyə KİV-lərinə istinadən xəbər verir ki, Braziliya dünya çempionatının ilk oyununda Serbiyanı 2:0 hesabı ilə məğlub edərkən, Neymar uğursuz zədə alıb. Rəqibi ilə girdiyi ikili mübarizədə zədələnən braziliyalı ulduz mübarizəni yekunlaşdıra bilməyib.
Serbiyanı 2:0 hesabı ilə məğlub etdikləri matçın 80-ci dəqiqəsində meydana çıxan Neymar yerini Antoniyə verib.
Neymarın vəziyyəti ilə bağlı açıqlama verən Braziliya Milli Komandasının baş məşqçisi Tite ulduz futbolçunun dünya çempionatına davam edəcəyini bildirərkən, komanda həkimi isə deyib:
“Neymarın biləyində şiş var idi, dərhal müalicəyə başladıq. Daha dəqiq bir söz demək üçün 24-48 saat arası gözləmək lazımdır. MRT və ya buna bənzər bir müayinə aparmayacağıq, amma lazım gələrsə edərik”.
Braziliya Futbol Federasiyasından Neymarın səhhəti ilə bağlı verilən açıqlamada Serbiya matçında topuğundan zədə alan 30 yaşlı futbolçunun İsveçrə ilə qarşılaşmada komandada yerini ala bilməyəcəyi bildirilib.
Neymardan başqa topuğundan zədəsi olan Danilonun da İsveçrə yarışında oynaya bilməyəcəyi bildirilib.
pia.az