İngiltərədə “qızıl qızdırma” təşvişi: Ölümcül xəstəlik illər sonra yenidən “dirildi”
PİA.az xəbər verir ki, İngiltərədə 19-cu əsrdə müşahidə edilən və uşaq ölümlərinə səbəb olan xəstəlik yenidən gündəmə gəlib. Mütəxəssislər xüsusilə 10 yaşdan kiçik uşaqlarda müşahidə edilən, lakin böyüklərdə də rast gəlinən qızıl qızdırma xəstəliyinin anormal səviyyədə artdığını açıqlayıb.
Bakterial yoluxucu xəstəlik olan skarlatina xüsusilə dil, üz, qoltuqaltı və qasıq nahiyəsində qırmızı ləkələrlə özünü göstərir. Qızdırma, halsızlıq, boğaz ağrısı, qarın ağrısı, ürəkbulanma və qusma, boyun tutulması kimi simptomlarla müşayiət olunan xəstəlik vaxtında müalicə olunmazsa, yüksək riskli nəticələrə, hətta ölümə və digər xəstəliklərə səbəb ola bilər.
İngiltərənin Milli Səhiyyə Xidməti (NHS) ictimaiyyəti qırmızı qızdırmaya diqqət yetirməyə çağırıb. Xüsusilə uşaqlı ailələrə xəbərdarlıq edən mütəxəssislər yoluxma sayının normadan xeyli çox olmasına diqqət çəkib.
Covid ilə qarşıq ola bilərCOVİD-lə bağlı qadağaların ləğvinin də yoluxma hadisələrinin sayının sürətlə artmasında təsirli olduğu bildirilib. Mütəxəssislər xəstəliyin COVİD ilə qarışdırıla biləcəyini, çünki simptomların oxşar olduğunu, lakin xəstəliyin hələ də dəri səpkiləri ilə qeyd oluna biləcəyini bildirdi.
Xəstəlik adətən qısa müddətdə, yəni bir-iki gün ərzində simptomlarını göstərməyə başlayır. Xüsusən də dilin qızarması xəstəliyin ən fərqləndirici əlaməti kimi önə çıxır. Mütəxəssis Doktor Çun Tanq deyib: “Bu xəstəlik Böyük Britaniyada nadir idi, lakin son illərdə çox artıb. Bu, çox yoluxucu xəstəlikdir.
Skarlatina xəstəliyinin öskürək və yaxın təmasla, ümumi məkandan istifadə və geyimlə keçə biləcəyini qeyd edən həkimlər simptomlar müşahidə olunarsa, uşaqların məktəbə göndərilməməsini və karantinə yerləşdirilməsini tövsiyə edir.
pia.az