Priqojinin artan siyasi iddiaları - “Putinin aşpazı” təhlükəsi fiqura çevrilir...
PİA.az xəbər verir ki, “Vaqner”Özəl Hərbi Şirkətinin qurucusu və rəhbəri, rusiyalı milyarder, media maqnatı Yevgeni Priqojin Rusiya ərazisində Google LLC-nin fəaliyyətinin araşdırılması və dayandırılması üşün Baş Prokurorluğa müraciət edəndən sonra yenidən Rusiya mətbuatının gündəminə çevrilib. “Putinin aşpazı”nın son demarşını şərh edən rusiyalı analitiklıər hesab edirlər ki, Priqojin artıq təhlükəli subyektə çevrilir və o, əlində olan hərbi güclə, eyni zamanda media platformaları ilə Putin hakimiyyəti üçün təhlükə mənbəyidir.
Qeyd edək ki, Yevgeni Priqojinin əmrində minlərlə peşakar muzdlu hərbiçilər var. Eyni zamanda rus milyarder Rusiyanın ən böyük media maqnatı hesab olunur. Müçahidəçilərin fikrincə bütün bu faktorlar Priqojini hakimiyyəti ələ keçirmək üçün şanslı adama çevrilir.
Diqqətçəkici məqamlardan biri də odur ki, Priqojin son zamanlar Çeçenistan lideri Ramzan Kadırova yaxınlaşmağa çalışır və Kadırovun ictimai çağırışlarına dəstək verir. Qeyd edək ki, həm Priqojin, həm də Kadırov Ukraynaya qarşı müharibənin daha radikal və total üsullarla aparılmasının tərəfdarı olaraq çıxış edirlər.
Prqojinin Kremlin siyasi və hərbi qanadlarında ciddi əlaqələrə sahib olması Rusiyada planlaması ehtimal olunan çevriliş ya da sui-qəsdlərin başında durmasını təmin edəcək səviyyədəir. Analitiklərə görə Priqojin son zamanlar açıq ictimai və siyasi demarşlar edərək diqqət mərkəzində olmağa çalışır.
Bəzi analitiklərin fikrincə Priqojin hazırda özünü Rusiya Baş nazirinin müavini səviyyəsində səlahiyyətli şəxs kimi aparır və bir çox məsələlərə müdaxilə edir.
Qeyd edək ki, Yevgeni Priqojin bu gün verdiyi daha bir açıqlama ilə Rusiya gündəminin diqqətini cəlb edib. Priqojin bildirib ki, Rusiya müharibə oliqarxlarının və məmurların həyatında heç bir dəyişikliyə səbəb olmayıb. Nə qədər ki. oliqarx və məmurların orduları müharibəyə aparılmayıb, Rusiyadakı səfərbərlik yarımçıq olacaq.
pia.az