Bərpa edilən Qarabağda və Zəngəzurda yenə də Türkiyə-Azərbaycan birliyi görünür
Prezident İlham Əliyev və Rəcəb Tayyib Ərdoğan Zəngilan Beynəlxalq Hava Limanının açılış mərasimində iştirak etdilər. Zəngilan Hava Limanının açılışı ölkəmizin həyatında çox əlamətdar hadisədir. Çünki hava limanının açılışı Qarabağ və Şərqi Zəngəzur üçün çox önəmli hadisədir. Eyni zamanda cənab Rəcəb Tayyib Ərdoğanın Azərbaycanda, Zəngilanda və Cəbrayılda olması xüsusi məna daşıyırdı.
Bərpa edilən Qarabağda və Zəngəzurda yenə də Türkiyə-Azərbaycan birliyi görünür. Türkiyə şirkətləri qısa müddət ərzində Qarabağra böyük işlər görürlər. Qarabağı və Şərqi Zəngəzuru tam bərpası üçün həm Azərbaycan, həm də Türkiyə daha böyük işlər görəcəklər.
Ərdoğan Cəbrayıl şəhərində mətbuata açıqlamasında “Naxçıvanı Azərbaycanın Qərb rayonları ilə birləşdirəcək Zəngəzur dəhlizi ilə bağlı bəzi dairələrdəki qorxu və narahatlıq reallıqdan uzaqdır. Qarabağda atılan bütün bu addımlardan sonra belə bir qorxuya ehtiyac yoxdur” dedi. Aydın məsələdir ki, Ərdoğan Zəngəzur dəhlizi ilə bağlı qorxu və narahatlıq keçirən “bəzi dairələr“ deyərkən konkret olaraq İranı nəzərdə tutdu. Bu fikri ilə Türkiyə bir daha həm Azərbaycana dəstəyini ifadə etdi, həm də İrana son mesajını çatdırdı.
İkinci Qarabağ müharibəsindən sonra Türkiyə-Azərbaycan qardaşlığı, birliyi daha da yüksək pilləyə qalxdı. Azərbaycan və Türkiyə bayraqları bir yerdə dalğalanır. Hər iki bayraq bir yerdə dalğalanmağa da davam edəcək.
Könül İsmayılova-Nizami Rayon İcra Hakimiyyətinin məsul işçisi, MMP-nın Siyasi Şurasının və İdarə Heyətinin üzvü
pia.az