Şəhid Şirinli Nurlan Qədir oğlunun ikinci ildönümü qeyd edilib
Tərtər Rayon İcra Hakimiyyəti başçısı Müstəqim Məmmədov hüquq-mühafizə orqanlarının rəhbərləri, YAP rayon təşkilatının sədri və Tərtər Cümə Məscidinin imamı Sadiq Cəfərovla birlikdə 44-günlük Vətən müharibəsi şəhidi Şirinli Nurlan Qədir oğlunun şəhadətə qovuşmasının 2-ci ildönümü ilə əlaqədar Sarov kənində şəhidin yas mərasimində iştirak edib, onlara baş sağlığı verib. Mərasimdə şəhidin ruhuna dualar oxunub, xatirəsi ehtiramla yad olunub.Şirinli Nurlan 1996-cı ilin oktyabr ayının 16-da Sarov kəndində anadan olub. 2020-ci ilin oktyabr ayının 7-də Tərtər rayonunun Suqovuşan kəndi istiqamətində gedən döyüşlərdə şəhid olub. O, ölümündən sonra Azərbaycan
Respublikası Prezidenti cənab İlham Əliyevin müvafiq Sərəncamları ilə “Suqovuşanın azad olunmasına görə”, “Vətən uğrunda” və “Cəsur döyüşçü” medalları ilə təltif olunub. Oxuduğu məktəbdə onun adına ayrıca güşə yaradılıb.
Şəhidin ailə üzvləri şəhid və qazi ailələrinə göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.
Allah bütün şəhidlərimizə rəhmət eləsin!
##galery##
pia.az