Ukrayna Prezident Ofisi nüvə müharibəsini istisna etmir
“Report” xəbər verir ki, bu fikirləri Ukrayna Prezident Ofisinin rəhbəri Andrey Yermak bildirib.
Onun fikrincə, bu gün sivil dünya qətiyyət nümayiş etdirməli və Rusiyaya başa salmalıdır ki, rəsmi Moskva, nə ilhaq cəhdindən, nə də nüvə şantajından yaxa qurtarmayacaq.
“Belə həlledici addımlardan biri də bu yaxınlarda tövsiyələri təqdim edilmiş Kiyev Təhlükəsizlik Müqaviləsinin imzalanması ola bilər. Sentyabr ayında NATO-nun keçmiş baş katibi Anders Foq Rasmussen və beynəlxalq ekspertlər qrupu ilə məsləhətləşmələr əsasında bir sıra tövsiyələr hazırlanıb. Biz Ukraynanı və bir sıra qarant dövlətləri birləşdirən strateji tərəfdaşlıq haqqında sənəd olan Kiyev Təhlükəsizlik Müqaviləsinin hazırlanmasına çağırdıq”.
Onun sözlərinə görə, bu müqavilənin prinsipi sadədir: “Ukraynanın təhlükəsizliyi ilk növbədə özünü müdafiə etmək qabiliyyətindən asılıdır. Bunu səmərəli etmək üçün Ukraynaya müttəfiqlərinin uzunmüddətli dəstəyi lazımdır. Bu saziş Ukraynanın müdafiə qabiliyyətinin gücləndirilməsinə əməli yardım göstərmək məqsədi daşıyır”.
pia.az