Avtobus sürücüləri etiraz aksiyası keçirir- Foto

Bu gün 95 saylı xətt marşrutu üzrə hərəkət edən avtobus sürücüləri aksiya keçiriblər

PİA.AZ azxeber.com-a istinadən xəbər verir ki,  bu barədə  sözügedən avtobusun sərnişinləri məlumat verib.“Həzi Aslanov” metrosundan “Şəhidlər Xiyabanı”na doğru hərəkət edən avtobusun sürücüləri aksiya keçiriblər.  Onlar avtobusları “Həzi Aslanov” metrosunun yanında saxlayaraq, hərəkət etməyəcəklərini söyləyiblər. Buna səbəb isə, maşrutun hərəkət istiqamətində olan yolların bağlı olmasıdır.Nəticədə sərnişinlərlə avtobus sürücüləri arasında narazılıq yaşanıb. Sərnişinlər avtobusların hərəkət etməsini tələb etsələr də, bu cəhdləri nəticəsiz qalıb.