Ukrayna ABŞ-dan ballistik raketlər almaq istəyir
“Report” xəbər verir ki, bu barədə “The Wall Street Journal” ABŞ Konqresinin üzvlərinə artıq təqdim olunmuş vəzifələrin siyahısına istinadən məlumat yayıb.
Söhbət, xüsusən, 300 km-ə qədər mənzilli ATACMS rajetlərindən, həmçinin tanklar, dronlar və artilleriya sistemlərindən gedir. Ümumilikdə siyahıya 29 növ silah daxildir.
Bundan əlavə, siyahıda HIMARS reaktiv yaylım atəşi sistemi və “Harpoon” gəmi əleyhinə raket sistemləri üçün 2 min mərmi də var. Sənəddə qeyd edilir ki, Kiyev bu silahlardan 2023-cü ildə hərbi əməliyyatlar üçün istifadə etmək niyyətindədir.
ATACMS tipli Amerika raketləri ballistik raketlərin alt sinif silahlarıdır. Raketlər yüksək dəqiqliy və idarə olunması ilə seçilir. Xüsusilə o, uçuş zamanı korrektə olunur və nişan alınmış nöqtəyə yönəldilir. Ona görə də onun hədfədən kənarlaşması belə kiçikdir.
pia.az