Türkiyədə kosmonavt olmaq üçün 36 min adam qeydiyyatdan keçdi
Milli Kosmos Proqramı çərçivəsində ilk türk astronavtı 2023-cü ildə Beynəlxalq Kosmik Stansiyaya göndəriləcək.
Bu barədə Türkiyə Kosmik Agentliyinin sədri Serdar Hüseyn Yıldırım İzmir İqtisadiyyat Universiteti Kosmos və Aviasiya Texnologiyaları Klubunun təşkil etdiyi “Milli Kosmos Proqramı üzrə Türkiyənin Kosmos Missiyası və Türk Astronavt Missiyası” adlı konfransda çıxışı zamanı deyib.
İzmir İqtisadiyyat Universitetində (İİU) konfrans verən Türkiyə Kosmik Agentliyinin prezidenti Milli Kosmos Proqramı çərçivəsində 2023-cü ildə ilk türk astronavtının kosmosa göndəriləcəyini və bununla bağlı müraciətlərin davam etdiyini xatırladıb, eyni zamanda kosmosa getmək üçün qeydiyyatdan keçənlərin sayının 36 min civarında olduğunu bildirib.
“Türk sərnişinlər üçün müraciətlər durmadan artır. Ən son kliklər 5 milyonu keçib. Müraciət etmək üçün qeydiyyat tələb olunur. Bir neçə gün əvvəl qeydiyyatdan keçənlərin sayı 36 min civarında idi. Ərizə dolduranların sayı 500-ə çatıb və bunun 100-ə çatacağını düşünürük. Ancaq bu rəqəm mütləq ikiyə enəcək. Çünki iki nəfər təlim keçəcək, lakin bir nəfər Beynəlxalq Kosmik Stansiyaya gedəcək və təcrübələrimizi həyata keçirəcək”, - deyə o qeyd edib.
pia.az