Üçrəngli bayrağımızın ideoloqu Əli Bəy Hüseynzadə - Video
Bayrağımızın üçrəngli düsturu məhz onun adı ilə bağlıdır. Bütün həyatı boyu elə 3 istiqamətdə - inancımızın, milliyyətimizin və inkişafımızın yolunda fəaliyyət göstərib. Qafqaz şeyxülislamı olan babasının himayəsində böyüyüb, türk birliyinin ideoloqu olub, Qərb dəyərlərinin təbliğatçısı kimi çıxış edib.
Əli bəy Hüseynzadə özü haqqında “24 fevral 1864-cü ildə Qafqaz Azərbaycanında Kür nəhri sahilində − Salyanda dünyaya gəlmişəm” yazıb. Taleyi isə onu tezliklə Kürün o biri başına − Tiflisə aparıb çıxarır. Məhz burada Mirzə Fətəli Axundov balaca Əli bəyin ilk təhsilinin əsasını qoyur. Beləcə, Azərbaycan Xalq Cümhuriyyəti dövründə dövlət bayrağında üç rənglə simvollaşan Azərbaycan vətəndaşının ideya-mənəvi dəyərləri məhz onun adı ilə bağlıdır. Bu gün doğma yurdunda da onun adı əbədiləşdirilib.
Batumda imzalanan Türkiyə-Azərbaycan dostluq müqaviləsinin mətninin hazırlanmasında da böyük mütəfəkkir Əli bəy Hüseynzadə xüsusi rol oynayıb.
Şərqdə ilk opera sayılan Üzeyir bəy Hacıbəylinin “Leyli və Məcnun” operasının ilk tamaşasının bədii tərtibatçısı, rəssamı da Əli bəy Hüseynzadə idi. Müsəlman şərqində ilk demokratik cümhuriyyət də məhz Azərbaycanda elan edilib. Əli bəyin ideoloqluğu, ÜzeyirHacıbəylinin bəstələdiyi himnimizin musiqisinin müşayiəti ilə.
pia.az