“İqbal Məmmədovun şirkətinin 10 milyon vergi borcu var, amma hələ də azadlıqdadır”
“Deputat İqbal Məmmədovun 10 milyon manata yaxın vergi borcu var. Bilirsiniz də, bu hansı deputatdır, el arasında "Relax İqbal" deyirlər, qəşəng otelləri, restoranları, istirahət mərkəzləri var. 2019-da deputatın oğlu "Relax"ı yoxlamağa gələn vergi işçilərini döymüşdü. İndi də məlum olur ki, deputatın şirkətinin milyonlarla vergi borcu var, 2016-da mənə yalandan, tam qurama kağızla 2070 manat vergi borcu yazıb həbs etmişdilər, əlimdə Vergilərin rəsmi, "borcu yoxdur", sənədi olsa da, məhkəmə dedi yox e, var, həbs olunmalıdı. Bəs necə olur ki, deputatın şirkətinin 10 milyon vergi borcu var, amma o hələ də azadlıqdadı, hələ də deputatdır”.
PİA.az-ın xəbərinə görə, bunu ekspert Natiq Cəfərli bildirib.
“Ümumiyyətlə, məsələ çox aydındır: Təcili proporsional seçki haqqında qanun qəbul edilməli, deputatların sayı 155 nəfərə qədər artırılmalı, ancaq partiya siyahıları ilə normal parlament formalaşdırılmalıdır. Sonra da hökumət məhz həmin yeni Parlamentdən çıxmalı və sosial-iqtisadi işlərlərlə məşğul olmalıdır, Prezident Dövlət Başçısı, Milli Məclisdən çıxan hökumətin rəhbəri isə hökumət başçısı olmalıdır. Gecikirik, zaman daralır...” – N.Cəfərli qeyd edib.(Pravda)
pia.az