Ziya Məmmədov 625 milyona yol çəkir

Asiya İnkişaf Bankı (AİB) Nəqliyyat Nazirliyinə Masallıdan Salyanın Şorsulu kəndinə avtomobil yolu (63 km) çəkmək üçün vəsait ayırıb

AİB və Azərbaycan hökumətinin rəyinə görə, layihənin ümumi qiyməti $ 625 mln-dur. Avqustda $ 250 mln ayrılması təsdiq ediləcək.Ekspert Azər Mehdiyevin fikrincə, beynəlxalq maliyyə institutlarının investisiya layihələrində iştirakı yaxşıdır. Onların mütəxəssisləri beynəlxalq normativləri əsas götürür, korrupsiyaya imkan vermir və s. Azərbaycanda da belədirmi? Beynəlxalq maliyyə institutlarının maliyyələşdirdiyi Bakı-Hacıqabul yolu (120 km) dəfələrlə tənqidə məruz qalıb. Yol 30 il istismar edilməli idi, amma hər il ən azı 2 yerində təmir gedir."Turan" şərhçilərinin fikrincə, dünyanın heç bir ölkəsində hətta asfalt beton yolun 1 km-i $ 10 mln-a başa gəlmir. İspaniyada 8 zolaqlı yolun 1 km-i $ 1,8 mln, ABŞ-da $ 2 mln, Finlandiyada $ 2,8 mln, Rusiyada $ 3,3 mln, Almaniya və Fransada $ 5 mln-dur.Xatırladaq ki, Asiya İnkişaf Bankının mənzil-qərargahı Filippində yerləşir. AİB-in 67 üzvü var. Azərbaycan 1999-cu ildən AİB-in üzvüdür, bankın kapitalında 0,5% paya malikdir.