Siyavuş Novruzova vəzifə veriləcəkmi?

“Hansısa vəzifəyə təyin olunmağım üçün səlahiyyət partiya sədrinə aiddir”

PİA.AZ xəbər verir ki, bunu Modern.az-a Yeni Azərbaycan Partiyası icra katibinin müavini, deputat Siyavuş Novruzov deyib:  “Birinci növbədə, mənim kifayət qədər işim var. Həm Yeni Azərbaycan Partiyasının icra katibinin müaviniyəm, həm də Milli Məclisdə İntizam komissiyasının sədriyəm.  Ümumi işlərdə də fəliyyət göstərirəm. Amma mənim yeni vəzifəyə təyin olunacağım barədə  nəsə bir söz deyə bilmərəm. Çünki bu cür məsələlərdə səlahiyyət partiyanın sədrinə aiddir. Partiya sədri nə vaxt yeni vəzifəyə məni məsləhət bilərsə, o vaxt da bu reallaşa bilər”  Qeyd edək ki, Yeni Azərbaycan Partiyası Siyasi Şurasının  və İdarə Heyətinin üzvü, partiyanın icra katibinin müavini, deputat Mübariz Qurbanlı bu günlərdə prezidentin sərəncamı ilə Dini Qurumlarla İş üzrə Dövlət Komitəsinin sədri vəzifəsinə təyin olunub. Bundan sonra Siyavuş Novruzovun da yeni vəzifəyə təyin olunacağı haqqında informasiya yayılıb.