“Ukraynadakı vəziyyət Rusiyanın mövqeyi ilə müəyyənləşəcək“

"Rusiya etiraf etməsə, o zaman Ukraynadakı proseslər tamam başqa hüquqi istiqamətdə cərəyan edə bilər"

Elxan Mehdiyev: "Rusiya yenə də inkarçılıq mövqeyində dayanacaq və həqiqəti etiraf etməyəcək".Ukraynada Malayziyaya aid sərnişin təyyarəsinin separatçılar tərəfindən vurulmasında sonra münaqişənin hansı istiqamətdə inkişaf edəcəyi beynəlxalq aləmin və medianın diqqət mərkəzindədir.Ukraynada son vəziyəti və baş verəcəkləri analiz etmək üçün PİA.AZ-ın əməkdaşı politoloq Elxan Mehdiyev ilə əlaqə saxlayıb.PİA.az-a açıqlama verən Elxan Mehdiyev Ukraynadakı vəziyyət Rusiyanın mövqeyi ilə müəyyənləşəcək: "Rusiyanın seperatçılara dəstəyi hər kəsə bəlli olsa da, Kremlin bu məsələdəki rəsmi mövqeyindən çox şey asılıdır. Təbii ki, Ukraynadakı olayların ilk günündən Rusiya seperatçılara dəstək verdi və bu gün də həmnin dəstək davam edir. Məhz bu dəstəyin nəticəsidir ki, Donbas vilayətində mərkəzi Ukrayna hökumətinə qarşı seperatçıların müqaviməti davam edir. Bir sözlə, olayların ilk günündən seperatçılar Ukrayna hökumətinə qarşı rus silahı ilə vuruşur və bu gerçək bütün dünyaya məlumdur. Bu günlərdə isə yayılan informasiyalara görə Rusiya separatçıları ağır texnika ilə, tanklarla, BTR-lərlə, havadan müdafiə sistemləri ilə və bu qəbildən olan silahlahlarla silahlandırır. Nəticədə isə göyərtəsində 300-ə qədər insan olan sərnişin təyyarəsi Rusiyameylli separatçılar tərəfindən vuruldu. Bu əlbəttə ki, beynəlxalq miqyaslı qalmaqaldırp və bu hadisə məsuliyyət daşıyan tərəflər üçün ciddi embarqolarla nəticələnəcək.Həm ABŞ, həm də NATO Rusiyanın Ukraynadakı destruktiv fəaliyyətindən narazıdır və bu destruktiv fəaliyyət ciddi etiraza səbəb olmaqdadır. Bu güclər Rusiyanı seperatçılara hərbi dəstəyi dayandırmağa çağırır. Lakin təbii ki, Rusiya yenə də inkarçılıq mövqeyində dayanacaq və həqiqəti etiraf etməyəcək. Necə ki, bugünə qədər məhz bu cür mövqe ortaya qoyub. Baxmayaraq ki, bütün dünya, beynəlxalq ictimaiyyət əsl həqiqətdən xəbərdardır. Rusiya bunu etiraf etməsə, o zaman Ukraynadakı proseslər tamam başqa hüquqi istiqamətdə cərəyan edə bilər. Ona görə də hesab edirəm ki, Ukraynadakı vəziyyət Rusiyanın mövqeyi ilə müəyyənləşəcək".Niyaməddinpia.az