Səfir Milli Mətbuat günü münasibəti ilə mətbuat işçilərini təbrik edib

İranın Azərbaycandakı səfirliyi Milli Mətbuat günü ilə əlaqədar mətbuat işçilərini təbrik edib

İranın Azərbaycandakı Səfirliyi Milli Mətbuat günü ilə əlaqədar Kütləvi İnformasiya Vasitələrinin (KİV) nümayəndələrini təbrik edib. ANS PRESS-in məlumatına görə, səfirliyin təbrik məktubu belədir:"22 iyul Azərbaycanda Milli Mətbuat günüdür. İran İslam Respublikasının Azərbaycan Respublikasındakı Səfirliyi qardaş və qonşu ölkənin mətbuat xadimlərini və KİV nümayəndələrini bu gün münasibətilə təbrik edərək ümidvar olduğunu bildirik ki, iki ölkə arasında hazırki yaxşı əlaqələrin fonunda mətbuat və KİV İran İslam Respublikası ilə Azərbaycan Respublikası arasında əlaqələrinin genişləndirilməsi və möhkəmləndirilməsi yolunda özünün misilsiz rolunu uğurla ifa edəcək. İki ölkənin media sahəsində münasibətlərinin möhkəmlənməsi və KİV nümayəndələrinin iki xalqın dostluğu yolunda müvəffəqiyyət əldə etməsi bizim arzumuzdur".