Çempionlar Liqası: “Yuventus” doqquz il sonra Turində “Çelsi”yə qarşı
Bu gün UEFA Çempionlar Liqasının qrup mərhələsində II turun digər görüşləri keçiriləcək.
Matçlar E, F, G və H qrupunda matçlar keçiriləcək.
Gecənin görüşü İtaliyanın Turin şəhərində keçiriləcək. “Yuventus” turnirin son qalibi “Çelsi”ni qəbul edəcək. Matç qrup liderini müəyyənləşdirmək baxımından önəm daşıyır.
Tərəflər sonuncu dəfə 2012-ci ildə qarşılaşıb. Çempionlar Liqasının qrup mərhələsində baş tutan görüşlərdə “Yuventus” Turində 3:0 qalib gəlib, Londonda 2:2 hesabı qeydə alınıb.
Hər iki komandanın heyətində itkilər var. “Yuventus”da Artur, Paulo Dibala, Kayo Jorje, Alvaro Morata və Hans Nikolussi Kavilya zədəlidir. Qonaqlarda isə Ris Ceyms, Nqolo Kante, Meyson Maunt və Kristian Pulişiç oynamayacaq.
Çempionlar Liqası
II tur
E qrupu
23:00 “Bayern” (Almaniya) – “Dinamo” (Ukrayna)
23:00 “Benfika” (Portuqaliya) – “Barselona” (İspaniya)
F qrupu
20:45 “Atalanta” (İtaliya) – “Yanq Boyz” (İsveçrə)
23:00 “Mançester Yunayted” (İngiltərə) – “Vilyareal” (İspaniya)
G qrupu
23:00 “Volfsburq” (Almaniya) – “Sevilya” (İspaniya)
23:00 “Zalsburq” (Avstriya) – “Lill” (Fransa)
H qrupu
20:45 “Zenit” (Rusiya) – “Malmö” (İsveç)
23:00 “Yuventus” (İtaliya) – “Çelsi” (İngiltərə)
pia.az