FIFA afrikalı hücumçunun "Keşlə" ilə bağlı şikayətini təmin edib
"Keşlə" və sabiq futbolçusu Aleksandr Kriştovao arasındakı mübahisəli məsələ həllini tapıb.
Bakı klubunun Mətbuat xidmətindən "Report"a verilən məlumata görə, FIFA anqolalı hücumçunun şikayətini qismən təmin edib.
Müqavilə öhdəliklərinin yerinə yetirilməməsi iddiası ilə ali futbol qurumuna müraciət edən afrikalı forvarda tələb etdiyi məbləğin müəyyən hissəsi ödənilib.
Qeyd edək ki, Aleksandr Kriştovao 2020-ci ilin yanvarında "Keşlə"yə transfer olunub. Ötən ilin yayında komandanın düşərgəsini icazəsiz tərk edən 28 yaşlı forvard klubdan FIFA-ya şikayət edib. Paytaxt təmsilçisi də öz növbəsində təcrübəli oyunçu ilə bağlı ali futbol qurumuna üz tutub. Daha sonra "Keşlə" hücumçu ilə müqaviləni birtərəfli qaydada pozub.
pia.az