Əfqanıstanda Baydenin əmri ilə kim məhv olundu?
Yulia Medvedeva Moskva,xüsusi olaraq virtualaz.org üçün
Pentaqon, Kabul hava limanında törədilən terror hücumunun qisası olaraq İŞİD-in Əfqanıstandakı obyektinə zərbə endirdiyini açıqlayıb. Prezident Co Baydenin əmri ilə ABŞ Hərbi Hava Qüvvələrinə məxsus pilotsuz təyyarə Nangarhar əyalətində İŞİD terrorçularının sığınacağına hava zərbəsi endirib. Kəşfiyyat orqanlarının məlumatına görə, həmin şəxs Kabil hava limanında yüz əllidən çox insanın ölümünə səbəb olan terror aktının təşkilatçısı idi.
Bundan əvvəl Konqresdəki 26 respublikaçı Baydenin dərhal istefasını tələb edir. Artıq həm Amerika prezidentinin özünə, həm də dövlət katibi Blinkenə impiçment sənədləri təqdim olunub.
Öz növbəsində, Ağ Ev kimisə işdən çıxarmaq və ya cəzalandırmaq fikrində deyil. Bütün generallar, diplomatlar və prezident müşavirləri vəzifələrində qalacaq. Mətbuat katibi Cen Psaki bunun izahını tapıb: bütün ölkə əsgərlərin ölümünə görə kədər içindədir, ona görə də indi qünahkar axtarmağın vaxtı deyil.
Üstəlik, Demokratlar deyirlər ki, Bayden məsul olanları cəzalandırmaq üçün əlindən gələni edir və səyləri uğurla nəticələnib - Cəlalabad şəhərində olan partlayışın təşkilatçısı məhv edilib. Doğrudur, mənbələrin məlumatına görə, əməliyyat nəticəsində 3 mülki şəxs öldürülüb, bir qadın və bir uşaq da daxil olmaqla daha dörd nəfər yaralanıb.
##galery## Ancaq bu "təşkilatçı" ilə heç nə aydın deyil. Doğrudanmı o həmin insandır? Niyə o Kabildə yox, Cəlalabadda idi? O, belə qısa müddətdə neçə aşkarlanıb və məhv edilib?
ABŞ-ın Əfqanıstan missiyasının finalı ilə bağlı qalmaqal Baydenı narahat edir. Bütün ümidləri, sentyabrın sonuna qədər Əfqanıstanın media gündəmindən çıxması ilə bağlıdır. Bu vaxt Əfqanıstan istiqamətində ən azından bir növ qələbə nümayiş etdirmək lazımdır. Bu olduqca asandır. Bunun üçün İŞİD iştirakçısı, terror hücumlarının təşkilatçısı və ümumiyyətlə qrupun liderlərindən biri adlandıran bir şəxsi öldürmək lazımdır.
Ancaq "Taliban" burada da Amerika prezidentinin əhval-ruhiyyəni pozmağa nail olub. Hərəkatın kəşfiyyat qüvvələri Kabil hava limanı yaxınlığında "İŞİD-Xorasanın" üç üzvünü saxlayıb. Onlar artıq ifadə verirlər. Amerikalılar tərəfindən havadan öldürülən "təşkilatçıdan" artıq nəsə soruşmaq mümkün deyil, amma tutulan yaraqlıların ifadələri qeydə alınıb və yoxlanıla bilər. Təbii ki, Ağ Ev bu məlumatları gizlətməyə çalışacaq.
pia.az