"Neftçi" Avropa Liqasında mübarizəni dayandırıb - Yenilənib
"Neftçi" UEFA Avropa Liqasının III təsnifat mərhələsində cavab matçına çıxıb.
"Report"un Helsinkiyə ezam olunmuş əməkdaşı xəbər verir ki, "ağ-qaralar" Finlandiyada HİK-in qonağı olub.
"Bolt Arena"da keçirilmiş qarşılaşmanı Almaniyanı təmsil edən FIFA referisi Deniz Aytekin idarə edib. Görüşün əvvəli kəşfiyyat xarakteri daşıyıb. 14-cü dəqiqədə meydan sahibləri hesabı açsa da, oyundan kənar vəziyyət qeydə alınıb. Flaqman ilk yarının sonuna qədər üstün tərəf olub. Buna baxmayaq cəhdlər uğursuz alınıb.
Əvəzində rəqib ikinci hissənin əvvəlində istəyinə çatıb. 46-cı dəqiqədə Roope Riski hesabı açıb. 58-ci dəqiqədə Mamadu Mboc cərimə meydançasında rəqibə qarşı kobudluq edib və Deniz Aytekin 11 metrlik nöqtəni göstərib. Topa yaxınlaşan Roope Riski özünün və komandasının ikinci qoluna imza atıb. 29 yaşlı hücumçu 89-cu dəqiqədə həm het-trikini, həm də komandasının qələbəsini rəsmiləşdirib.
Rəqibinə 0:3 hesabı ilə uduzan "Neftçi" Avropa Liqası ilə vidalaşıb. Komandalar arasında Bakıdakı ilk oyunda qalib müəyyənləşməmişdi - 2:2. Flaqman Konfrans Liqasının pley-off mərhələsində "Torshavn" (Farer adaları) - "Makkabi" (Hayfa, İsrail) cütünün qalibi ilə üz-üzə gələcək.. Bu komandalar arasındakı ilk görüşdə "Makkabi" böyük hesabla qalib gəlib - 7:2. Cavab matçı bu gün Bakı vaxtı ilə saat 22:00-da start götürəcək.
***
Finlandiyada HİK və "Neftçi" komandaları arasında Avropa Liqasının III təsnifat mərhələsinin cavab oyununda ilk qol vurulub.
"Report"un Helsinkiyə ezam olunmuş əməkdaşı xəbər verir ki, "Bolt Arena"dakı görüşdə meydan sahibləri hesabı açıb.
HİK-in heyətində 46-cı dəqiqədə Roope Riski hesabı açıb.
***
Finlandiyada HİK və "Neftçi" komandaları arasında Avropa Liqasının III təsnifat mərhələsinin cavab oyununda ilk hissə başa çatıb.
"Report"un Helsinkiyə ezam olunmuş əməkdaşı xəbər verir ki, "Bolt Arena"dakı görüşdə hesab açılmayıb.
Qarşılaşmanı Almaniyanı təmsil edən Deniz Aytekinin başçılıq etdiyi hakimlər briqadası idarə edir.
Qeyd edək ki, "Bakcell Arena"dakı ilk görüş 2:2 hesabı ilə yekunlaşıb.
***
Finlandiyada HİK və "Neftçi" komandaları arasında Avropa Liqasının III təsnifat mərhələsinin cavab oyunu başlayıb.
"Report"un Helsinkiyə ezam olunmuş əməkdaşı xəbər verir ki, görüş "Bolt Arena"da keçirilir.
Qarşılaşmanı Almaniyanı təmsil edən Deniz Aytekinin başçılıq etdiyi hakimlər briqadası idarə edir.
Qeyd edək ki, "Bakcell Arena"dakı ilk görüş 2:2 hesabı ilə yekunlaşıb.
***
Finlandiyada UEFA Avropa Liqasının III təsnifat mərhələsinin cavab oyununda üz-üzə gələcək HİK (Helsinki) və "Neftçi" klublarının start heyətləri açıqlanıb.
PİA.az-ın məlumatına görə, komandalar meydana aşağıdakı "11-lik"lərlə çıxacaq...
HİK:12Tånnander (GK)3Saksela5D. O'ShaughnessyC6Jair10Lingman11Ro. Riski13Murillo15Tenho16Moren24Browne27Valenčič
Baş məşqçi: Toni Koskela
"Neftçi": 30A. Mammadov (GK)3Mbodj6Stanković8MakhmudovC10Meza Colli11Harramiz14Basque22Abbasov24Lawal29Bougrine36Kane
Baş məşqçi: Samir Abasov
Qeyd edək ki, bu gün "Bolt Arena"da keçiriləcək HİK-"Neftçi" oyunu Bakı vaxtı ilə saat 20:00-da başlayacaq. İlk görüşdə qalib müəyyənləşməyib - 2:2.(Report)
pia.az