Ərdoğan Azərbaycanda - Rəsmi qarşılama mərasimi Şuşada olacaq - Video

Türkiyə Respublikasının Prezidenti Rəcəb Tayyib Ərdoğan iyunun 15-də Azərbaycan Respublikasına rəsmi səfərə gəlib.

PİA.az xəbər verir ki, Ərdoğanın “TC-TUR” bort nişanlı təyyarəsi səhərə yaxın Heydər Əliyev Bakı Beynəlxalq Aeroportuna enib. Onu baş nazirin müavini Yaqub Eyyubov, xarici işlər naziri Xələf Xələfov və digər rəsmi şəxslər qarşılayıblar.

Ərdoğan Bakıdan Şuşaya gedəcək. Orada onu Azərbaycan prezidenti İlham Əliyev rəsmi mərasimlə qarşılayacaq. Daha sonra iki ölkə liderləri təkbətək görüşəcək. Danışıqların ardınca Şuşada bir sıra anlaşmalar imzalanacaq və ortaq mətbuat konfransı olacaq.

Sabah iyunun 16-da isə Ərdoğanın səfəri Bakıda davam edəcək və Türkiyə prezidenti Milli Məclisdə çıxış edəcək. Daha sonra Türkiyə Milli komandasının futbol üzrə Avropa çempionatı çərçivəsində keçiriləcək oyununu izləyəcək.

pia.az