Əməkdar jurnalist KİVDF-nin qəzetlərə ayırdığı vəsaitdən yazdı
"Araşdırma aparıram, yaxın günlərdə cəmiyyəti, bütövlükdə media cameəsini maraqlandıracaq mənzərə ortaya cıxacaq. Mediada islahatlar ərəfəsində hamı mənbəyi bəlli olmayan bir faktı geninə boluna istifadə edir. Mətbuata guya son on illər ərzində 50 milyon, bəzən isə 100 milyon manat ayrıldığını iddia edir və hesabat tələb edirlər. Hesabat tələbində haqlıdırlar. Hər məsələ, problem açıq şəkildə müzakirə olmalı, şəffaflıq gözlənilməlidir. Amma qəzetlərə yönəlik əks - təbliğatda iddialılar haqlıdırlar? Yox, bilmənalı yox".
Bu barədə "Şərq" qəzetinin baş redaktoru, Əməkdar jurnalist Akif Aşırlı "Facebook" hesabında yazıb.
O qeyd edib ki, Kütləvi İnformasiya Vasitələrinin İnkişafına Dövlət Dəstəyi Fondunun son on illər büdcəsinə nəzər yetirilsə aydın mənzərə ortaya çıxar:
"Bbilavasitə qəzet redaksiyalarına ildə iki dəfə ayrılan vəsaiti ( hər 6 aydan bir 1 milyon, bir milyon 200 min manat) hesablasaq, bu, son 10 ildə 20-22 milyon manat vəsait edir. Bəs bu 50, 100 milyon manat iddiası hardan qaynaqlanır? Son 10 ildə ayrılan vəsaitin əvvəl 33 qəzetə, sonra getdikcə azalan xətlə 19 mətbu orqana ayrıldığı bəllidir. Araşdırmaların nəticəsində aydın olur ki, dövlətin bədi-ədəbi nümunələrin, uşaq ədəbiyyatının nəşri ücün hər il ayırdığı 1 milyon 200 min manatdan cox vəsaiti də gündəlik qəzetlərin payına əlavə edirlər. Məsələn, hər 6 aydan bir "Ədəbiyyat" qəzetinə 200 min manat vəsait ödənilir. "Ulduz" jurnalı , "Azərbaycan" jurnalı, "Göyərcin", "Savalan", "Günəş" qəzet və jurnalları gündəlik, günaşırı və həftəlik qəzetlərdən cox vəsait alır. Amma qınaq obyekti bütövlükdə ictimai-siyasi qəzetlər olur".
pia.az