Kanada Çinin uyğur türklərinə qarşı soyqırımını tanıdı
Kanada Federal Parlamenti Çinin uyğur türklərinə qarşı törətdiklərini “soyqırımı” olaraq qəbul edən qanunu təsdiqləyib.
“Anadolu” agentliyi xəbər verir ki, ölkədə müxalif Mühafizəkarlar partiyasının Vellinqtondan olan millət vəkili Maykl Çonq tərəfindən plenar iclasa təqdim edilən “Çində dini azlıqlar” adlı qanun layihəsi səsə qoyulub.
Səsvermədə müstəqil və müxalifət partiyalarından 184, hakim Liberal partiyasından isə 82 nəfər olmaqla 266 millət vəkili iştirak edib. Qanun layihəsi yekdilliklə qəbul olunub. Digər tərəfdən, Kanada Xarici İşlər naziri Mark Qarno parlamentdəki səsvermədən dərhal sonra qərarla əlaqədar yazılı açıqlama verib. O bildirib ki, Sincan (Sintszyan) Uyğur Muxtar rayonunda özbaşına həbslər, məcburi iş, işgəncə kimi insan haqları pozuntularına dair dəhşətli xəbərlər bizi narahat etməyə davam edir.
Kanadalı nazir qeyd edib ki, Kanada hökuməti soyqırım iddialarına çox ciddi yanaşır: “Bu iddiaların müstəqil beynəlxalq hüquq ekspertləri orqanı tərəfindən araşdırılmasını təmin etmək üçün beynəlxalq ictimaiyyətlə işləməyin lazım olduğuna inanırıq”.
pia.az