Razılaşma pozulur? - Ermənistan Dağlıq Qarabağdan qoşunlarını çıxarmayacaq...
Ermənistanın yeni Müdafiə naziri: “Dağlıq Qarabağdan qoşunlar çıxarmayacaq!”.
Ermənistan dekabrın 1-dən sonra Dağlıq Qarabağdakı ordusunun şəxsi heyətini dəyişəcək. Ermənistan mətbuattı xəbər verir ki, müdafiə naziri Vaqarşak Arutyunyan əsgər valideynləriylə söhbətində belə deyib. Valideynlərin bildirdiyinə görə, onlar noyabrın 28-də Müdafiə naziri ilə görüşüblər və görüşün nəticələrindən narazı qalıblar. Belə ki, onların fikrincə, Ermənistan ordusunun əsgərləri Dağlıq Qarabağda qaldıqca Azərbaycan Silahlı Qüvvələrinin təxribatları ilə üzləşə və əsir düşə bilərlər. Odur ki, Ermənistan təcili olaraq əsgərlərini işğal ərazilərindən çıxarmalıdır.
Arutyunyan isə onları deyib ki, Ermənistan Qarabağdakı döyüş postlarında əsgərlərinin təhlükəsizliyinə zəmanət verir. Bundan əlavə, dekabrın 1-dən Qarabağda hərbi xidmətdə olan hərbçilərin tərkibinin dəyişdirilməsi təşkil ediləcək, lakin qoşunların çıxarılması istisna olunur. Nazir bunu Dağlıq Qarabağın müdafiəsinin təşkili ilə əlaqələndirib. Arutyunyanın bu sözləri istər-istəməz bəzi suallara yol açır: Rusiyanın vasitəçiliyi ilə bağlanmış üçtərəfli bəyanatda Ermənistan ordusunun Dağlıq Qarabağı tərk etməsi nəzərdə tutulmayıbmı? Dağlıq Qarabağ Azərbaycanın ərazinə daxildirsə, Ermənistan ordusunun əsgərləri orda nə gəzir? (ovqat.com)
pia.az