Zlatan İbrahimoviç 39 yaşında 12-ci dəfə “Qızıl top”a sahib çıxıb

İtaliyanın “Milan” klubunun futbolçusu Zlatan İbrahimoviç növbəti titulunu qazanıb.

Apasport.az saytının məlumatına görə, veteran hücumçu İsveçdə ilin futbolçusu seçilib.

39 yaşlı forvard İsveçdə “Qızıl top”a 12-ci dəfə yiyələnib. İlk dəfə 2005-ci ildə bu mükafata sahib çıxan Zlatan 2007-16-cı illərdə ardıcıl 10 dəfə bu uğura imza atıb.

Qeyd edək ki, İsveçdə ilin futbolçusu mükafatı 1946-cı ildən təqdim olunur.

pia.az