Tofiq Yaqublunun vəziyyəti pisləşdi - Qan köçürülür

Müsavat Partiyasının fəalı Tofiq Yaqublunun vəziyyəti pisləşib...

Həbsdə 15 gündür aclıq aksiyası keçirən siyasi fəal Tofiq Yaqubluya qan köçürülüb. Bu barədə onun həkimi Adil Qeybulla jurnalistlərə açıqlama verib.

Qeybulla qeyd edib ki, T. Yaqublunun vəziyyəti aclıq aksiyasına adekvatdır: “Onun həm çəkisində, həm də qan göstəricilərində dəyişiklik var. Qan göstəricilərinin aşağı düşməsi tendensiyası müşahidə edilir. Bütün bunlara görə, biz məcburən müəyyən tədbirlər gördük. Ona qan və plazma köçürülməsi işinə başladıq. Bu fonda Tofiq Yaqublunun vəziyyətini ümumi stabil saymaq olar. Huşu özündədir. Hamıya salam deyir və optimist əhval ruhiyyədədir”.

pia.az