Azərbaycanda pandemiya dövründə bu məhsulların istehsalı artıb

2020-ci ilin yanvar-iyul ayları üzrə Azərbaycanda kompüter, elektron və optik məhsulların, elektrik avadanlıqlarının istehsalı sahələrində 123,4 milyon manatlıq məhsul istehsal olunub.

PİA.az Trend-ə istinadən bildirir ki, əvvəlki ilin yanvar-iyul ayları ilə müqayisədə kompüter, elektron və optik məhsulların istehsalı 42,8 faiz, elektrik avadanlıqlarının istehsalında isə 5,1 faiz artıb.

Dövr ərzində əvvəlki ilin yanvar-iyul ayları ilə müqayisədə avtomatik tənzimləmə və idarəetmə üçün cihaz və aparatların istehsalı 3,3 dəfə, 1000 V-dək gərginlik üçün hesablanmış elektrik cərəyanı naqillərinin istehsalı isə 2,4 dəfə artıb.

pia.az