Türkiyə klubunda rəsmi ayrılıq
Türkiyənin "Göztepe" klubu portuqaliyalı qapıçısı Beto ilə yollarını ayırıb.
PİA.az goal.az-a istinadən xəbər verir ki, bu barədə 38 yaşlı qolkiper sosial şəbəkə hesabında məlumat paylaşıb.
O, 3 ildir formasını geyindiyi İzmir təmsilçisindən ayrıldığını bəyan edərək hər kəslə vidalaşıb. Beto 2017-ci ildən etibarən Super Liqa təmsilçisinin heyətində 100-ə yaxın rəsmi oyuna çıxıb.
Portuqaliya yığmasının sabiq qapıçısı "Göztepe"yə "Sporting"dən gəlmişdi. O, karyerası ərzində "Sevilla", "Braga", "Porto", "CFR Cluj" kimi klubların da uğurları üçün çalışıb.
pia.az