“Qurtuluş günü” münasibəti ilə video konfrans keçirilib - İstiqlal Muzeyində
PİA.az xəbər verir ki,videokonfransı giriş sözü ilə açan Azərbaycan İstiqlal Muzeyinin elmi işçisi Şövkət Əskərova Heydər Əliyevin bacarıqlı dövlət xadimi, təcrübəli siyasətçi, Azərbaycan dövlətçiliyinin möhkəm təməlini yaradan, ölkəni davamlı inkişaf yoluna çıxaran qüdrətli şəxsiyyət olduğunu bildirib.
Sonra muzeyin elmi işçisi Gülər Əskərova Ulu Öndərin həyat və fəaliyyəti müasir tariximizin mühüm mərhələsini təşkil etdiyini vurğuladı. Heydər Əliyev Azərbaycana rəhbərlik etdiyi dövrlərdə ölkə həyatının bütün sahələrinə xüsusi diqqət yetirib. Onun əsasını qoyduğu davamlı inkişaf siyasəti Prezident İlham Əliyev tərəfindən uğurla davam etdirilir.
Sonra söz İdrak liseyinin şagirdlərinə verildi.
İdrak liseyinin 6a2 sinifinin şagirdi Yusubova Nərgiz, 6a1 sinif şagirdi İsmayılova, 7A2 sinifinin şagirdləri Lalə Mehtiyeva və Axundova Fidan çıxış edərək ümummilli lider Heydər Əliyevin xalqın ağır gününə biganə qalmadan yenidən Bakıya qayıdaraq yorulmadan, bezmədən Azərbaycanı kərpic – kərpic inşa etməsini vurğuladılar.
Ulu Öndərin layiqli davamçısı Azərbaycan Respublikasının Prezidenti İlham Əliyevin rəhbərliyi ilə ölkəmin daxil və xarici siyasətdə uğurlar qazanıb və qazanmağa davam etməkdədir.
Sonda isə İdrak Liseyinin şagirdləri üçün online ekskursiya təşkil edildi.
pia.az