Mikayıl Cabbarovun yeni müavinini tanıyaq - Dosye

Prezident İlham Əliyevin imzaladığı sərəncamla Əliyev Elnur Aydın oğlu İqtisadiyyat nazirinin müavini vəzifəsinə təyin edilib...

PİA.az xəbər verir ki, Elnur Əliyev bu təyinata qədər bir sıra mühüm vəzifələri icra edib.

Elnur Əliyevin son iş yeri Vergilər nazirliyi olub. O, 2017-ci ildən nazirin müşaviri vəzifəsində çalışıb.

Mikayıl Cabbarovun yeni müavini daha əvvəl “İçərişəhər” Dövlət Tarix-Memarlıq Qoruğu İdarəsində işləyib.

Bundan sonra həm Bakı Şəhər Təhsil İdarəsi müdirinin birinci müavini vəzifəsində, həm də müdir əvəzi kimi fəaliyyət göstərib.

Elnur Əliyev müəyyən dövrlərdə Təhsil Nazirliyinin informasiya şöbəsinin müdiri, Nazirliyin aparat rəhbəri vəzifəsinin müvəqqəti əvəzedicisi kimi çalışıb.(yenisabah)

pia.az