Bərdədə sanitar-profilaktik və maarifləndirici işlər planlı şəkildə davam etdirilir
Nazirlər Kabineti yanında Operativ Qərargahın Koronavirus (COVID-19) pandemiyasına qarşı mübarizəsi ilə bağlı qərarına uyğun olaraq Bərdə Rayon İcra Hakimiyyətinin tapşırıq və tövsiyyələri ilə planlı şəkildə rayonun bir çox küçə və prospektlərində, yaşayış massivlərində, bütün idarə, müəssisə və təşkilatlarda, otellərdə, mağaza, ictimai iaşə obyektlərinin qarşısında, apteklərdə, banklarda dezinfeksiya işlərinin aparılması davam etdirilir. Dezinfeksiya tədbirləri mütəmadi olaraq həyata keçirilməkdədir.
Həmçinin, rayon İcra Hakimiyyətinin Başçısı tərəfindən yaradılmış Operativ Qərargahın üzvləri rayon əhalisini karantin tədbirlərinə ciddi şəkildə əməl etməyə çağırır.
Bütün işlərə rayon İcra Hakimiyyətinin Başçısı yanında yaradılmış Operativ Qərargah tərəfindən müntəzəm nəzarət edilir.
pia.az