İŞİD liderinin müavini İraqda tutulub
İraqın Əl-Sumariya televiziya kanalı İŞİD-in əsas fiqurlarından birinin ələ keçirildiyini xəbər verib...
###reklam250###
APA-nın “İnterfax”a istinadən verdiyi məlumata görə, tutulan şəxs oktyabr ayında öldürülən İŞİD lideri Əbu Bəkr əl-Bağdadinin müavini Hаmid Şaker Sabaa əl-Bədridir.
İraqın Kərkük əyalətində tutulan terrorçunun kirayələdiyi mənzildə saxta adla gizli yaşadığı məlum olub.
Salah əd-Din əyalətinin hərbi əmiri hesab edilən Hamid Şaker Sabaa əl-Bədri kəşfiyyat işləri ilə məşğul olduğu bildirilir.
Qeyd edək ki, oktyabr ayında ABŞ hərbçiləri tərəfindən Suriyada keçirilən xüsusi əməliyyat zamanı İŞİD lideri əl-Bağdadi öldürülüb. Bağdadinin ölümü İŞİD tərəfindən təsdiqləndikdən sonra terror qruplaşmasına onun varisi - Əbu İbrahim əl-Haşimi əl-Qureişi rəhbər seçilib.
pia.az