Şairə Gilə Əliqızı: “Xəstəyəm, can çəkir yaralı ruhum”
Şairənin bir neçə şeirini oxuculara təqdim edirik.
Xəstəyəm, can çəkir yaralı ruhum
Xəstəyəm, sanırlar çarə həkimdir,Yaralı könlümə loğman neyləsin.Yarın bir sözüdür çarə dərdimə,Buna ovuc-ovuc dərman neyləsin.
Xəstəyəm,illərdir dözüm eylədim,Şeiri son vida, sözüm eylədim.Nə etdim özümə,özüm eylədim,Buna yad neyləsin,düşman neyləsin.
Xəstəyəm, can çəkir yaralı ruhum,Yerindən,yurdundan aralı ruhum.Şəfası tapılmaz, çaralı ruhum,Buna bəxt neyləsin,fərman neyləsin.
Xəstəyəm,yoxuşum düzə görünmür,Xoş günlər bəs niyə bizə görünmür.Laçının dağları gözə görünmürBuna çən neyləsin,duman neyləsin.
Xəstəyəm,şöləsi sönən çırğam,İstisi azalıb,sönən ocağam.Bütün ümidləri sönən sorağamCanımda qırılan güman neyləsin...
Vətən
Nə ola sağala sinən də yaran,Fələyin gərdişi dönə ey Vətən.Üç rəngli bayrağın Qarabağda daUcala göylərə yenə, ey Vətən.Torpağın dayağım,səman umudum,
Əvvəlim,sonumsan ey ana yurdum.Sənlə həyat buldum,sənlə yoğruldum,Ən gözəl sevdasan mənə, ey Vətən.Dörd mövsümüm,şən,huzurlu yuvamsan,Sən yazılmış ən möhtəşəm dastansan.
Şəhidlərin pak,müqəddəs qanısan,Qoyma ocağımız sönə, ey VətənSəndə özgə yeri Vətən bilmərəm,Səni azad görsəm bil ki, ölmərəm.Başqa vəd etmərəm,qurban demərəmMən özüm qurbanam sənə, ey Vətən...
Səninlə üz-üzə qalaqYolumuz çıxmaya daşa,Səninlə iz-izə qalaq.Ömrüm sənlə yetə başa,Qocalaq, diz-dizə qalaq.Ömrüm ömrünə calansın,Sevdam yolunda sınansın.Qoy dünya onlara qalsın,Səninlə göz-gözə qalaq.
Əl götürək, bu dünyadan,Keçək hər kəsdən,hamıdan.Çıxaq fələyin yadındanKaş, elə biz-bizə qalaq.Bahar gələ qarlı qışa,Bəxtim dönə sənlə başa.Kaş ömrümüz keçə qoşaSəninlə üz-üzə qalaq...
Laçın
Girov ellərinə bahar gəlibdir,İndi düzlərin də gül açıb, Laçın.Şehli çəmənlərin,buz bulaqlarınİndi dağlarında dil açıb, Laçın.
Bürüyüb hər yanı dumanın,çənin,Qoynun məsgənidir indi kimlərin.Kimlər heyran qalıb hüsnünə səninƏllərin kimlərə əl açıb, Laçın.
Gör neçə illərdir səni görmürəm,Min şirin gümanla yenə dözürəm.Bağlıdır yolların, gələ bimirəm,Xəyalım qoynuna yol açıb Laçın...
Mən səninlə var olmuşam
Mən səni görəndən sonra,Özgələrə kor olmuşam.Bütün sözlərə,səslərəLal olmuşam,kar olmuşam.
Səni səndən çox sevmişəm,Sənlə dünyaya gəlmişəm.Səndən öncə yox imişəmMən səninlə var olmuşam.
Ömrüm calansın ömrünə,Əvvəl,axırsan sən mənə.Ya torpağa,ya da sənəƏbədilik yar olmuşam...
Mənsizlik acısı
Məndən gözəlini görərsən bir gün,Sevgimi biriylə bölərsən bəlkə.Çıxarıb qəlbindən ömürlük məniBir gün başqasını sevərsən bəlkə.
Bir gün alışarsan bu ayrılığa,Pərvanə olarsan özgə çırağa.Yanarsan bir özgə oda, ocağaMəni ürəyindən silərsən bəlkə.
Mənsizlik acısı yox olar, bir gün,Qəlbinin yarası sağalar bir gün.Sənə vurulanlar çoxalar bir gün,Qatarlar başını dözərsən bəlkə...
pia.az