Rusiya, Azərbaycan və İran arasında dəmir yolu xəttinin birləşdirilməsi layihəsi həyata keçiriləcək
Rusiya, Azərbaycan və İran arasında dəmir yolu xəttinin birləşdirilməsi layihəsi həyata keçiriləcək.
“Report” “Moskva-Baku”ya istinadən xəbər verir ki, bu barədə Rusiya ilə İranın iqtisadi və ticari əməkdaşlığına dair hökumətlərarası komissiyasının İsfahanda keçirilən 15-ci iclasında Rusiyanın energetika naziri Aleksandr Novak deyib.
O, bu məsələyə dair üç ölkə arasında görüşün gözlənildiyini qeyd edib.
Rusiya ilə İran şirkətlərinin Xəzərdəki neft-qaz yataqlarının birgə istismarına dair bəzi təkliflərinin olduğunu qeyd edən nazir məsələnin hələlik müzakirə mərhələsində olduğunu qeyd edib.
##relatedPost2##
Rusiya ilə İran arasında kənd məhsullarının dəniz yolu ilə daşınmasına başlamağın nəzərdə tutulduğunu qeyd edən rusiyalı nazir bu ilin 21 mart - 20 aprel dövründə İrandan Rusiyaya ixracatın ötən ilin müvafiq dövrünə nisbətən 9 faiz, Rusiyanın bu ölkəyə ixracatının isə 62 faiz azaldığını diqqətə çatdırıb.
pia.az