Notr-Dam kilsəsində yanğından sonra ilk ibadət mərasimi keçiriləcək

Fransanın paytaxtında yerləşən Notr-Dam kilsəsində yanğından sonra ilk ibadət mərasimi iyunun 15-16-da keçiriləcək

###reklam250###

"Report" RİA "Novosti"yə istinadən xəbər verir ki, bu barədə kilsənin baş keşişi Patrik Şove həftəlik "Famille chretienne"ə bildirib.

"Tarix simvolik seçilib. Bu, kilsənin təqdis edilməsi tarixdir", - P.Şove deyib.

Qeyd edək ki, aprelin 15-də gecə saatlarında Notr-Dam-de-Pari kilsəsinin tarixində ən güclü yanğın baş verib. Nəticədə kilsənin spili (uzun nazik çıxıntı) aşıb. Fransa prezidenti Emmanuel Makron beş ilə Notr-Damı bərpa edəcəyinə söz verib.

pia.az