Qardaşı arvadını bıçaqladı - Səbəbi qısqanclıq
Bakı Ağır Cinayətlər Məhkəməsində qətl törətməkdə təqsirləndirilən Ələkbər Abdullayevin cinayət işi üzrə məhkəmə istintaqı başa çatıb
###reklam250###
Hakim Rahib Salmanovun sədrliyi ilə keçirilən prosesdə prokuror təqsirləndirilən şəxsin 13 il 6 ay azadlıqdan məhrum edilməsini istəyib.
Məhkəmənin növbəti icalsı martın 7-nə təyin edilib.
İttihama görə, ötən il avqustun 8-də Bakının Xəzər rayonu, Binə qəsəbəsində yaşayan, 1975-ci il təvəllüdlü Abdullayev Ələkbər Hafiz oğlu yaşadığı evdə qardaşının həyat yoldaşı, 1973-cü il təvəllüdlü Abdullayeva Rübabə Xudaşükür qızını qısqanclıq zəminində bıçaqlayıb.
Qadın aldığı xəsarətlərdən hadisə yerində dünyasını dəyişib.
Xəzər Rayon Prokurorluğunda Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanılıb.(Trend)
pia.az