Türkiyədə çətənə yetişdiriləcək?
Nazirdən maraqlı açıqlama
Türkiyədə çətənə yetişdiriləcək.
PİA.AZ Trend-ə istinadən xəbər verir ki, bunu ölkənin kənd və meşə təsərrüfatı naziri Bekir Pakdemirli deyib.
Onun sözlərinə görə, çətənənin yetişdirilməsi dövlətin ciddi nəzarəti altında davam edəcək:
“Bizim məqsədimiz tərkibində narkotik maddələrin olmadığı texniki sortların yetişdirilməsidir”.
Nazir əlavə edib ki, çətənənin texniki sortları kənd təsərrüfatı, səhiyyə, tekstil sənayesi, tullantıların təkrar emalı və digər sahələrdə istifadə olunacaq.
O qeyd edib ki, ilkin olaraq çətənə ölkənin 19 vilayətində əkiləcək.
pia.az