Əli Həsənovun nəvəsinin işi ilə bağlı köməkçisi açıqlama yaydı
“AzPolitika.info”nun məlumatına görə, Baş naziri müavininin köməkçisi Ramin Talibli dünən “Meydan TV”-də yayımlanan “Əli Həsənov verdiyi sözün üstündə dursun, yoxsa…” başlıqlı video roliki ilə bağlı açıqlama yayıb.
“AzPolitka.info”ya göndərilən açıqlmada bildirilib:
“Məlumat üçün bildiririk ki, İdris Tekişin Meydan TV-yə təqdim etdiyi məlumatlar tam yalan və şantaj xarakterlidir. Onun təqdim etdiyi fotolar və görüntülər 2017-ci ilə aiddir və hal-hazırdakı vəziyyəti əks etdirmir. Mütellib Tekiş müalicələrini tamamlayıb və 4 ay bundan əvvəl Bakıya gələrək öz biznesi ilə məşğuldur.
Mütellib Tekiş kimi onun həyat yoldaşı Songül Tekişin də özləri tərəfindən seçilmiş Türkiyədə yerləşın xəstəxananın bütün müalicə xərcləri Elman Allahverdiyev tərəfindən ödənilmiş və reabilitasiya dönəmini başa vurmuşdur. ##relatedPost2##Həmin xəstəxanan baş həkiminin xahişinə uyğun olaraq Songül Tekişin 2 aylıq əlavə profilaktik müayinə – müalicə məsələləri ilə bağlı xəstəxana ilə danışıqlar aparılır.
Əlavə olaraq bildiririk ki, videoda “emosyanal” çıxış edən İdris Tekiş qəzaya düşən Mütəllib Kekişin qardaşıdır. Mütəllib Tekiş və onun həyat yoladaşının müalicəsi üçün Nail Allahverdiyevin atası Elman Allahverdiyev tərəfindən verilən maliyyə yardımı hesabına İdris özünə şəxsi nəqliyyat vasitəsi almışdır.
Burada sual əmələ gəlir, nəyə görə danışmaq iqtidarında olan Azərbaycana tez-tez səfər edən Mütəllib Tekiş yox, onun qardaşı video görüntü paylaşır? Nəyə görə 2 il bundan əvvəl baş vermiş qəza ilə bağlı məsələni yenidən gündəmə Meydan TV gətirir?
Bunlar ona əsas verir ki, İdris Tekiş Meydan TV ilə əlbirdir və şantaj yolu ilə Elman Allahverdiyevdən maliyyə vəsaiti tələb etmək istəyirlər”.
Xatırladaq ki, Baş nazirin müavini Əli Həsənovun nəvəsi Nail Allahverdiyev 2017-ci il avqustun 3-də Bakının Heydər Əliyev prospektində “Gelandewagen” markalı avtomobili ilə yol qəzası törədib. Nəticədə 2 nəfər ölüb, 3 nəfər yaralanıb.
Yaralılardan ikisi Türkiyə vətəndaşları, Muttalib Tekiş və Songül Tekiş olub.
Mutallib Tekişin qardaşı İdris Tekişin Meydan TV-yə verdiyi açıqlamada iddia edib ki, hadisədən sonra Əli Həsənov və Nailin atası Elman Allahverdiyev yaralananların bütün xərclərini üzərlərinə götürməyə söz veriblər. Lakin bir müddət sonra bu yardım dayanıb və Türkiyə vətəndaşlarına da bildirilib ki, istəyirsiz məhkəməyə verin, artıq yardım edilməyəcək. İdris Tekişin sözlərinə görə, əgər yardımlar davam etməsə, ailə üzvləri ayağa qalxa bilməyəcəklər.
“300-350 kilometr sürətlə insanların ölümünə səbəb olursan, 3 uşaq zərər çəkib. Analarını görə bilmirlər, ataları ilə ünsiyyət qura bilmirlər”- deyə İdris Tekişin bildirib.
O iddia edib ki, məhkəmə proseslərində tez-tez zəng vurub hər cür şərtlərə razı olduğunu deyən Əli Həsənov da ailənin çəkdiyi əziyyətlərə biganə yanaşır: ” Verilən sözlərin hamısı yalan oldu. Bu şəxslərə inandıq. “Məhkəməyə verin”, “hara istəsəniz şikayət edin” deyiblər. Əli Həsənovdan verdiyi sözlərin yerinə yetirilməsini istəyirik. Yoxsa bu iş çox uzanacaq. Sadəcə Azərbaycan sərhədlərini deyil, Türkiyə sərhədlərini də aşacaq… Bizə verilən sözlərin tutulmamasına Azərbaycan ictimaiyyətinin də ciddi reaksiya verəcəyinə inanıram…” (AzPolitika.info)
pia.az