“Breksit” hollandları da qorxutdu
Lakin əhali arasında keçirilən yeni sorğular bunun tam əksini göstərib.
Musavat.com xarici mətbuata istinadən xəbər verir ki, “I&O Research” şirkətinin rəy yoxlamasında respondentlərin əksəriyyəti Avropa İttifaqında qalmaqdan yana olduqlarını bildiriblər.
Yerli “De Volkskrant” qəzetinin verdiyi məlumata görə, əgər 2016-cı ildə Hollandiya vətəndaşlarının 67%-i İttifaq tərəfdarı sayılırdısa hazırda bu göstərici 72% təşkil edir. Sorğuda 18 yaşdan yuxarı 3,7 min şəxs iştirak edib.
Hazırda ölkə parlamentində Avropa Birliyinə qarşı olan iki siyasi qüvvə, “Azadlıq” və “Demokratiya uğrunda forum” partiyaları fəaliyyət göstərir. Lakin bu təşkilatlar 150 yerlik qanunverici orqanda sadəcə 22 deputata malikdirlər. Bu isə onların 14%-lik səsə malik olduğunu göstərir.
Son iki ildə Avropa Birliyinin fəaliyyətindən məmnun olanların sayı da 10 faiz artıb - 35%. Buna rəğmən Avropanın ən mədəni ölkəsində əhalinin 69%-i “Breksit”in onların taleyinə mənfi təsir göstərəcəyini düşünür. Burada əsas qayğılar iqtisadi çətinliklərlə, həmçinin miqrasiya problemləri ilə bağlıdır.
Üstəlik, hollandlar Böyük Britaniyanın çıxmasından sonra Birliyin maliyyə yükünün onların üzərinə çökəcəyindən qorxurlar.
pia.az