Con Boltonun ölkəmizə səfəri həlledici olacaq - Politoloq
ABŞ prezidentinin milli təhlükəsizlik məsələləri üzrə müşaviri Con Boltonun regiona səfəri geoplotik baxımından xüsusi əhəmiyyət daşıyır. Con Boltonun Rusiya, Azərbaycan, Gürcüstan və Ermənistana səfəri Vaşinqtonun Cənubi Qafqaza artıq diqqət ayırmasından irəli gəlir.
Qeyd edim ki, Rusiya hazırda Gürcüstan və Ermənistanla soyuq münasibətlərə malikdir. Vaşinqton çalışır ki, hər iki ölkəni kifayət qədər Rusiyanın təsir və təzyiqindən qorusun. Həmçinin Kemlin regionda qalıcılığını təmin edən işğal və separatizmi tədricən həlll etsin. Təbii ki, bura Qarabağ münaqişəsinin həlli xüsusi əhəmiyyət kəsb edir. Çünki, Ermənistanın davam edən işğalı regionda deastiblizasiyaya xidmət etməklə, Kremlin maraqlarına xidmət edir.
Hazırda Vaşinqtonun konfliktin həlli ilə bağlı mövqeyi ortaya qoyulur. Bu mövqe Trampın may ayında prezident İlham Əliyevə göndərdiyi məktubunda Qarabağ münaqişəsinin tezliklə həllini qeyd etməsinə əsaslanır. Con Boltonun regiona səfəri, səfir Riçard Milizin Yerevanda münaqişənin həlli ilə bağlı verdiyi açıqlama, məhz Trampın məktubunda qeyd edilənlərin məntiq davamıdır. Bolton Paşinyana konkret olaraq işğal olunmuş ərazilərin boşaldılması istiqamətində Paşinyana təlimatlar verəcəyi və ictimaiyyətə bu istiqamətdə məlumatlar verməklə, ərazilərin boşaldılması ilə əlaqədar xalqı bu güzəştlərə hazırlasın.
Con Boltonun Rusiyaya səfərində iki ölkə arasında yaşanan problemlər, həmçinin İran məsələsi müzkirə olunacaq. Moskva ilə Vaşinqtonun İran problemində ortaq məxrəcə gəlməsi hazırkı situasiyada mümükün deyil. Rusiya İrana qarşı sanksiyalara qoşulmasada, özəl şirkətlərin İrandan çıxacağı gözlənilir.
Bir məsələni qeyd edim ki, Con Boltonun əsas hədəfi Rusiyanı Cənubi Qafqazda apardığı siyasəti neytrallaşdırmaq, həmçinin İranla Rusiya arasında "Şimal-Cənub Nəqliyyat" dəhlizinin fəaliyyətə başlamasını əngəlləməkdi. Bu baxımından Con Boltonun ölkəmizə səfəri həll edici olacaq. Çünki, "Şimal -Cənub Nəqliyyat" dəhlizi Azərbaycandan keçir və ölkəmiz bu layihənin işə düşməsində maraqlıdır.
Qeyd edim ki, Azərbaycanla ABŞ arasında enerji və təhlükəsizlik sahəsində əməkdaşlıq inkişaf dinamizminə malikdir. Con Bolton Bakıda enerji siyasətimizə bundan sonrada dəstək verəcəklərini və Qarabağ konfliktinin həllində səyləri davam etdircəklərini xüsusi olaraq vurğulayacaq. Bundan əlavə, ölkəmizin İranla reallaşdırdığı birgə müəssisələrin fəaliyyətinin tədricən dayandırılması, Azərbaycanın Bank sistemlərindən İranın maliyyə əməliyyatlarına imkan verilməməsi, ən əsası "Şimal-Cənub Nəqliyyat" dəhlizinin fəaliyyətinin dayandırılmasını istəniləcək.
pia.az