“Microsoft”-un qurucularından biri vəfat etdi
Amerikanın texnologiya nəhəngi “Microsoft”-un qurucularından milyarder iş adamı Paul Allen 65 yaşında vəfat edib.
ABŞ-ın Seattle şəhərində vəfat edən Allen limfa xərçəngi ilə mübarizə aparırdı. 2009-cu ildə müalicə alan Allen 3 həftə əvvəl xəstəliyin yenidən baş qaldırdığını açıqlamışdı. O, müalicəsi haqqında ümidli olduğunu deyirdi.
Paul Allen “Microsoft”-u 1975-ci ildə, Harvard Universitetindən ayrılan məktəb yoldaşı Bill Qeytslə birgə qurub. 1983-cü ildə ona qan xərçəngi diaqnozu qoyulandan sonra şirkətdən ayrılıb. Daha sonra isə digər şirkətlərdə karyerasını uğurla davam etdirib.
Paul Allenin bugünədək elm, təhsil və ətraf mühiti qoruma ilə məşğul olan qurumlara 2 milyard dollardan çox ianə verdiyi deyilir. Allen 2010-cu ildə ölümündən sonra sərvətinin yarıdan çoxunun xeyriyyə qurumlarına ianə etmək sözü vermişdi. O müddətdə Allenin sərvətinin 13.5 milyard dollar olduğu düşünülürdü.
“Forbes” jurnalının bu aykı təxmininə görə, Allen 21.7 milyard dollarlıq sərvəti ilə dünyanın ən zəngin 44-cü adamı idi.(BBC Azərbaycanca)
pia.az