MDB dövlət başçıları cinayətkarlıqla mübarizə tədbirlərini müzakirə edəcəklər- Düşənbədə
Trend-in Tacikistan KİV-ə istinadən məlumatına görə, iclasın gündəliyi layihəsinə siyasi və humanitar sahədə, o cümlədən təhlükəsizlik sahəsində əməkdaşlıqla bağlı 16 maddə daxil edilib.
Təhlükəsizliyin təmini ilə bağlı müzakirə olunacaq ən əhəmiyyətli sənədlərdən biri cinayətkarlığa qarşı birgə tədbirlər haqqında 2019-2023-cü illər üçün Dövlətlərarası Proqramdır.
Proqram transsərhəd cinayətin qarşısının alınması məqsədilə fəaliyyəti özündə əks etdirir. Xüsusilə narkotik vasitələrin, psixotrop maddələrin və onların prekursorlarının qanunsuz dövriyyəsi ilə mübarizə, insan alveri və qeyri-qanuni miqrasiya, həmçinin informasiya texnologiyaları sahəsində törədilən cinayətlərlə mübarizə tədbirlərini nəzərdə tutur.
###reklam250###Bundan əlavə iclasda informasiya və elmi təminat sahəsində əməkdaşlıq, kadrların hazırlanmasında qarşılıqlı işbirliyi, mütəxəssislərin peşəkarlıq səviyyəsinin yüksəldilməsi, beynəlxalq təşkilatlarla əməkdaşlığın inkişafına böyük diqqət yetiriləcək.
pia.az