BƏƏ və Bəhreyn Səudiyyə Ərəbistanını dəstəkləyib
“Report” “Yeniakit”ə istinadən xəbər verir ki, məsələ ilə bağlı Bəhreyn Xarici İşləri Nazirliyi açıqlama yayıb.
Bəhreyn Kanadanın Səudiyyə Ərəbistanının daxili işlərinə qarışmasını rədd edir: “Səudiyyə Ərəbistanının Kanadaya tətbiq etdiyi bütün tədbirlərə qoşulur və istənilən diplomatik aksiyanı dəstəkləyir”.
BƏƏ də Səudiyyə Ərəbistanının suverenliyini, qanunlarını və aksiyalarını müdafiə etdiklərini bildirib.
Qeyd edək ki, Səudiyyə Ərəbistanının Xarici İşlər Nazirliyi Kanada ilə bütün yeni ticarət və investisiya tranzaksiyalarının dondurulduğunu bəyan edib və bununla bağlı gələcək addımların atılması hüququnu özündə saxlayıb. Krallıq məsləhətləşmələrin aparılması üçün Ottavadakı səfirini geri çağırıb və Kanadanın Ər-Riyaddakı diplomatını "arzuolunmaz şəxs" elan edərək ona ölkədən çıxmaq üçün 24 saat vaxt verib.
##relatedPost##
İki ölkə arasında münasibətlər Ottavanın Krallıqda saxlanılmış mülki fəalların azad olunmasına çağırış etməsindən sonra gərginləşib.
Avqustun 3-də Kanada XİN Krallıqda mülki fəalların saxlanılması ilə bağlı narahatlığını ifadə edib və Səudiyyə Ərəbistanını onları dərhal azad etməyə çağırıb.
Krallıq XİN Kanadanın mövqeyini Səudiyyənin daxili işlərinə müdaxilə etmək və beynəlxalq hüququn əsaslarına zidd addım kimi qiymətləndirib.
pia.az