Amerikalıların yarıdan çoxu Trampın Rusiya siyasətini bəyənmir
Bu barədə "Reuters" "Ipsos" Araşdırma Xidməti ilə birgə keçirdiyi sorğunun nəticələrinə istinadən məlumat verib.
Təxminən, min nəfərin qatıldığı sorğu Donald Trampın Helsinkidə Rusiya prezidenti Vladimir Putin ilə danışıqlar aparmasından sonra keçirilib.
Rəyi soruşulanların 55%-i ABŞ prezidentinin Rusiya ilə bağlı siyasətini bəyənməyib. 37% respondent əks fikirdədir. Razılıq bildirənlərin 71%-i respublikaçılar, 14%-i isə demokratlardır.
D.Trampın Helsinki sammitindəki çıxışı onun ümumi populyarlıq reytinqinə təsir göstərməyib: respondentlərin cəmi 42%-i prezidentin işini dəstəkləyir.
Sorğuda iştirak edənlərin 38%-i Rusiyanın ABŞ-ın düşməni olması iddiası ilə razılaşıb, təxminən eyni sayda respondent Rusiyanı "rəqib" adlandırıb, yalnız 8% rəyi soruşulan Rusiyanı dost hesab edib.
pia.az