“Android” sahibləri “iPhone” istifadəçilərindən 10 dəfə az pul xərcləyir

“AppStore” əlavələr mağazası “Apple” şirkətinə “Google”Un “Google Play” onlayn mağazasından 4 dəfə çox gəlir gətirir

Lent.az-ın Life.ru saytına istinadən məlumatına görə, bu barədə “Morgan Stanley Research” şirkətinin hesabatında deyilir.2018-ci ilin birinci rübünün ən son məlumatlarına əsasən, “AppStore”dakı hər bir yükləmə “Apple”ə təxminən 0,44 dollar gəlir gətirir. Onun amerikalı rəqib şirkəti olan “Google Play” isə hər yükləmədən cəmi 10 sent qazanır. Bununla belə, hər bir cihaz üçün ayrı-ayrılıqda hesablananda daha böyük fərq müşahidə edilir. Belə ki, burada rəqəm 5,08 dolların 0,47 dollar nisbətindədir. Son dörd ilin nəticələrini nəzərdən keçirsək, “Apple” əlavələrdən 119 faiz çox qazanc əldə edib. “Google” isə gəlirlərini analoji dövrdə cəmi 14 faiz artıra bilib. 2017-ci ilin məlumatlarına əsasən, Kupertinyo şirkəti “iPhone” və “iPad” tərtibatçılarına 26,5 milyard dollar vəsait ödəyib. Bu isə “McDonald” restoranlar şəbəkəsinin bütün dünya üzrə qazancından çoxdur. pia.az