Balakəndə narkobaron həbs edilib, onun evində laboratoriya və silah-sursat aşkarlanıb

Balakəndə narkobaron həbs edilib, onun yaşadığı evdə narkotik vasitələri istehsal etmək üçün laboratoriya və silah-sursat aşkarlanıb

 Balakən rayon Polis Şöbəsinin əməkdaşları rayon ərazisində narkotik tərkibli bitkilərin əkib becərilməsi, narkotik vasitələrin qanunsuz dövriyyəsi ilə məşğul olan şəxslərin tutularaq istintaqa təhvil verilməsi istiqamətində uğurlu əməliyyat-axtarış tədbiri keçirib.RPŞ-yə daxil olmuş məlumat əsasında rayonun Qaysa kəndində anadan olan, 1971-ci il təvəllüdlü Məmməd Əli oğlu Şamxalovun Balakən şəhərindəki fərdi yaşayış evində əməliyyat tədbiri aparılıb.Tədbir nəticəsində rayonda və respublika ərazisində narkobaron kimi tanınan və bu günə qədər  məsuliyyətdən yayınmağı bacaran Məmməd Şamxalovun yaşadığı evdə 57 kiloqram narkotik vasitə hesab edilən qurudulmuş marixuana, 2147 ədəd narkotik bitki hesab edilən çətənə kolu bitkisinin toxumu, müxtəlif təyinatlı silahlar və  narkotik vasitələrin istehsal etmək üçün avadanlıqla təchiz olunmuş laboratoriya aşkar edilib. Evin həyətyanı sahəsində isə kultivasiya üsulu ilə əkilib, aqrotexniki qaydada qulluq edilən 135 ədəd narkotik tərkibli bitki hesab edilən çətənə bitkisinin kolları aşkar olunub. Yuxarıda qeyd edilənlər narkotik vasitələr və silahlar maddi sübut kimi götürülərək istintaqa təhvil verilib.Faktla bağlı Balakən rayon PŞ-də istintaq tədbirləri davam etdirilir.(APA)pia.az